जिल्ला अपाङ्ग समन्वय समितिको गठन

अर्घाखाँची जिल्लामा रहेका अपांगता सम्वन्धी काम गर्ने संघ सस्थाहरुको संयुक्त भेलाले जिल्ला अपांग समन्वय समितिको गठन गरेको छ । सन्धिखर्कमा साउन २६ गते सम्पन्न भेला नयाँ कार्यसमिति चयन गर्दै सम्पन्न भएको हो ।

सवै संस्थाहरुको छाता संगठननको रुपमा गठित समितिको भेलामा श्रीजनशिल अपांग विकास केन्द्र, छत्रगञ्ज अपांग उत्थान समाज,, निर्मल नवज्योती सुस्त मनस्थिती केन्द्र, अर्घाखाँची नेत्रहिन संघ लगायतका संघ संस्थाका प्रतिनिधीहरु सहभागि भएका थिए ।

भेलाले श्रीजनशिल अपांग विकास केन्द्रका अध्यक्ष विष्णु प्रसाद भुसालको अध्यक्षतामा १५ सदस्यीय कार्य समितिको चयन गरेको हो । जसको उपाध्यक्षमा कमला परियार, महासचिवमा टिकाराम भुसाल, सचिवमा सावित्रा के.सी., कोषाध्यक्षमा राम प्रसाद गैरे रहेका छन् । त्यस्तै समितिका अन्य सदस्यहरुमा इन्द्र गेला·, कमला भुसाल, गोमा पराजुली, राधा सुनुवार, हुमा गैरे, शोभाखर वाग्ले, रामप्रसाद पौड्याल, सिता भट्टराई, विन्दु परियार र तुल्सी पौड्याल रहेका छन् ।

नवगठित समन्वय समितिले जिल्लाभरका अपांगहरुको हकहितका लागि मुख्य भूमिका खेल्ने नवनिर्वाचित अध्यक्ष भुसालले बताए । “जिल्लाभर छरिएर रहेका अपांगहरुको अधिकारको लागि प्रयास गर्ने र अपांगहरुको लागि विनियोजित बजेत लक्षित तहसम्म पु¥याउनको लागि संस्था क्रियाशिल बन्ने बताए ।